6 նշան, որոնք վկայում են, որ դուք աշխատամոլ եք. tert.am

Աշխատամոլ, գնումների մոլի սիրահար կամ շոկոլադամոլ լինելն այն մեղքերից է, որոնք մարդիկ խոստովանում են ոչ այնքան մեղքի, որքան հումորի զգացումով: Շատերը գիտեն, որ շոկոլադի չարաշահումը կամ աշխատավայրում մեկ-երկու ժամ ավելի մնալն այնքան էլ առողջ ապրելակերպի մաս չէ, սակայն հաճախ դժվարությամբ են դիմադրում շոկոլադի մեկ կտոր ևս ուտելուն կամ աշխատանքին մի փոքր ժամանակ ավել տրամադրելուն:

Այս մասին գրում է Business Insider-ը՝ ներկայացնելով Բերգենի համալսարանի (Նորվեգիա) գիտնականների հետազոտության արդյունքները, որի ժամանակ աշխատամոլությունը դիտարկվել է գիտական տեսանկյունից՝ պարզելու, թե բնակչության որ տոկոսն է հակված արտաժամյա աշխատանք կատարելուն:

Հետազոտության արդյունքում գիտնականները մի շարք դրույթներ են մշակել, որոնք կօգնեն հասկանալ` արդյո՞ք դուք աշխատամոլների շարքն եք դասվում, թե՞ ոչ:

• Դուք մտածում եք՝ ինչպես հասցնել ավելի շատ ժամանակ տրամադրել աշխատանքին:
  
  
• Դուք աշխատանքին ավելի շատ ժամանակ եք հատկացնում, քան նախապես մտադրվել էիք:
  
  
• Դուք աշխատանքի միջոցով ցանկանում եք նվազեցնել մեղքի, անհանգստության, անօգնականության կամ դեպրեսիայի զգացումները:
  
  
• Դուք ճնշվածություն եք զգում, երբ Ձեզ արգելում են աշխատել:
  
  
• Դուք մի կողմ եք դնում բոլոր հոբբիները, հանգիստը կամ մարզվելը` աշխատանքի պատճառով:
  
  
• Դուք այնքան շատ եք աշխատում, որ դա բացասաբար է ազդում ձեր առողջության վրա:

Հարցեր, պատասխաններ, մեկնաբանություններ